Mike kier renoba su destruccion di Aruba cu kiebra di e Acuerdo cu Hulanda - *E Coordinador di Gabinete Henny Eman kier ripiti traicion hereda di “Daddy” - *Scondi cuatro aña den su Penthouse Mike kier kita pan di casnan pober di Aruba
ORANJESTAD(AAN)--Pa hopi hende e punto importante di debate tabata, kico Mike Eman tin pa bisa Pueblo di Aruba, cu el a manipula for di un edad hoben ora como “family directo and friend mas intimo” di su ruman Henny Eman, el a bira Coordinador di Henny Eman.
Pueblo a pensa cu Mike Eman lo a presenta su mes diferente den loke probablemente ta e ultimo debate di Camara di Comercio na cual e ta participa den su bida.
AVP a perde balor den bista di Pueblo despues cu “dear daddy” y “dear granddaddy” a kibra e lucha di Aruba y na luga di a cumpli cu nan promesa di saca Aruba for di constelacion Antiano, nan a sigura cu Aruba ta keda aplasta pa e dominio di Willemstad, ora Daddy y Granddaddy di Mike, a bay di acuerdo cu e reparticion di 12-8 den Parlamento di Antia Hulandes cu a deshaci di e lucha di separacion.
Durante e debate di Camara di Comercio, Mike Eman a bolbe demostra kico ta nifica traicion di e bienestar di Aruba cu Mike a manipula pa sirbi su popularidad y su interes.
E herencia di Mike Eman ta mustra falsedad di e homber, cu a drenta politica como “Coordinador di Gobierno Henny Eman” cu tabata gana placa di belasting di Pueblo di Aruba pa 24 ora pa dia, e por a haci propaganda pa su ruman y otro miembronan di su partido.
Mike Eman a sirbi interes directo di Gobierno Henny Eman y mescos cu un grupo grandi di Cooperador cu Pueblo tabata paga, tabata ricibi placa di belasting di Pueblo.
Hustamente e Gobierno di Henny Eman tabata regreso di e grupo cu Pueblo di Aruba a rechasa pasobra nan a traiciona e lucha di separacion y a entrega Aruba na Antia Hulandes.
Traicion di Aruba tabata tin sigur den wega, ora miembronan di Maffia cu mester a bin inverti na Aruba, mester a bandona e pais na careda ora nan a wordo descubri. E escandalo di “Beta” Hotel no ta wordo lubida door di Pueblo di Aruba, cu tabata e base pa Gobierno Henny Eman parti garantia na inversionistanan sin areglo debido.
Cu Gobierno di Henny Eman no tabata Gobierno di e Arubiano cu a lucha pa Status Aparte, sigur a bini dilanti ora Gobierno Henny Eman no a sigui atende Status Aparte pero tabata Nel Oduber cu mester a deshaci di e fecha di Independencia. Tabata Nel Oduber tambe cu mester a preveni desmantelacion di e refineria, cu a bira den man di Mike Eman manipulacion di Aruba pero tambe traicion ora a cera contra ley e acuerdo cu Nicolas Maduro, cu a kibra e posibilidad pa Aruba actua contra Nicolas Maduro.
Traicion y mas traicion ta loke e herencia di Mike Eman ta encera, cu ta bira bisto den e forma cu el a uza “baha BBO na mita” pa bira Prome Ministro y asina destrui Aruba sin cu e por a deshaci di BBO manera el a priminti pa haya voto.
Kico ta traicion Aruba a bolbe descubri durante e debate di Camara di Comercio ora Mike Eman ta trece dilanti cu e ta bay negocia e Landspakket cu Evelyn Wever-Croes a acorda cu Hulanda pa permiti Aruba sigui come despues cu Mike Eman a laga weanan bashi atras mientras el a bay sconde den su Penthouse miyonario den su ilusion di grandesa.
Na un forma cla Aruba den e encuesta a duna prueba cu e ta sostene e acuerdo cu Hulanda cu a wordo alcansa door di Evelyn Wever-Croes, pa saca Aruba for di e baril sin bom cu Mike a laga atras.
Pueblo di Aruba den un mayoria total a sostene e acuerdo logra pa Evelyn Wever-Croes cu ta sigura entrada pa Aruba cu asistencia Hulandes pa yuda e votadornan cu Mike Eman kier uza pa e por keda hunga Sheik den su Penthouse, cu sigur no por ta e cas di e Arubiano traiciona pa “grandpa, daddy” y Mike.
