Miembronan di Aruba Muscle Classic Car a bay pa un brunch

ORANJESTAD (AAN): Como un actividad pa despedi di luna di Juli, e organizacion di AMCC,

esta Aruba Muscle Classic Car a organiza un brunch pa miembro y invitadonan.  Esaki tabata Diadomingo mainta na Old Cunucu House na Palm Beach.

   Tur hende a yega na ora, pa asina ricibi un bon lugar pa sinta, y a sinta combersa na un forma hopi ameno, mientras tabata disfruta di e bon cuminda prepara pa e restaurant.

   E tabata un evento hopi social, unda sigur e lazonan di hermandad di Aruba Muscle Classic Car ta sigui fortalece pa e amistad di e miembronan ta mucho mas solido cu nunca.