Mientras reunion paisnan di NATO ta confirma peligro
*Mundo comercial mester haci inversionnan contra peligro grandi
ORANJESTAD(AAN)—Proximamente lo tin un reunion di OTAN na cual Presidente Mericano, Donald Trump, a bisa cu e lo asisti aunke anteriormente e tabata tin su problemanan cu NATO.
E preparacionnan grandi rond di seguridad di e reunion tan importante pa paisnan cu ta uni den e Union TransAtlantico asina importante den un mundo marca pa guera, ta keda e amenaza di un atake di cyber, cu por mishi directamente cu informacionnan cu ta wordo intercambia na e reunionnan tan importante.]
A wordo anuncia cu e inversionnan cu mester haci ta nifica gastonan enorme cu cual mester tene cuenta.
Un asunto cu a alcansa comercio na Aruba tambe y informantenan di e sector aki a splica DIARIO cu nan ta preocupa cu gastonan cu e medidanan extra cu nan mester tuma den e situacion cu a presenta.
Manera a bini dilanti e gasto pa haci negoshi a subi enormemente cu inversionnan cu mester wordo haci y sigur pa negoshinan mas chikito di Aruba ta bira un problema serio.
Segun a bini dilanti ya comercio a duna inicio di discusionnan riba e tema tan importante aki cu mester bay ricibi mas atencion pa asina por confronta un reto mundial cu ta exigi inversionnan importante pa evita cu informacionnan empresarial importante ta na peligro.
Esaki lo trece problema serio pa companianan cu na Aruba pa un parti grandi ta empresanan chikito y asina cu entrada limita.
DIARIO a cuminsa duna atencion na e problema cu tur sector ta bay enfrenta y cu expertonan ta analisa con pa atende cu gastonan cu lo sigui subi por lo pronto den e confrontacion cu Cyber attacks a bira pa empresanan na Aruba.
Den e dianan venidero DIARIO lo bay den profundidad di un problema serio cu mester haya tur atencion na Aruba!Mester tene cuenta kico aumento di costo pa haci negoshi ta nifica pa economia cu ta depende directamente di bienestar di hende, di turista, cu ta un base economico fragil.
