ORANJESTAD (AAN): E ta un wega cu hopi hende gusta hunga. Bo ta djis escoge un number consistiendo di cuatro cifra,
y ta agrega un signo zodiacal, y mesora bo ta cla pa e wega di Zodiac.
Esey ta loke Meredith a haci tambe, y el a gana! Pesey riba Diamars el a acudi na oficina di Lotto pa reclama su premio. Despues di a revisa e ticket, nan a scan e barcode cu inmediatamente a indica cu el a gana 25.000 Florin cu e wega di Zodiac Anochi.
Di e forma ey a cuminza cu e proceso pa transferi e premio electronicamente pa su cuenta di banco. Meredith a indica cu e ticket ganador mes el a cumpra na Botanica Koyari.
