Mercado Santa Rosa lo ta diadomingo 25 di September

ORANJESTAD (AAN): Dianan ta serca y preparacion pa Mercado Santa Rosa ta andando pa asina por acomoda tur esnan cu ta perticipa den e mercado aki.

            Hopi ta esnan cu ta desea di participa den e mercado pero pa e biaha aki ta purba mantene e mercado cu productonan di Aruba y mas simpel posibel.

Fecha pa Mercado Santa Rosa lo ta diadomingo 25 di september venidero aki na Santa Rosa mes cuminsado for di  8’or di mainta te cu 1’or di merdia. Manera ta e custumber di Mercado Santa Rosa lo bai tin productonan fresco local pa abo por probecha e cumpra na e un bon prijs. Fruta y berdura lo bo haya den nos mercado di cual nos ta enfoca mas. Otro productonan, Pica, Jam, Cos dushi, Productonan natural y asina nos por sigui menciona.

E ambiente familia nunca no por keda afo y ta den nos mercado so bo por haye.

            Un cordial invitacion na henter pueblo di Aruba pa diadomingo 25 di September venidero Mercado Santa Rosa aki mes na Santa Rosa cuminsando for di mainta te cu merdia.