Mercado di Profesion na Filomena College MAVO tabata exito rotundo

ORANJESTAD (AAN): Diabierna 28 di november, Filomena College MAVO a organiza un mainta informativo pa alumnonan di Ciclo Avansa 1 y 2.

   Durante e mainta educativo aki, diferente instancia y profesionalnan a duna charla y orientacion riba profesion-  y escohencianan pa futuro.

   Instancianan cu a contribui y duna di nan tempo y comparti nan experticio tabata Wardacosta di Caribe Hulandes bao auspicio di Sr. M. Gonzalez Perret, Arumil bao auspicio di Lieutenant Jean Louis Peterson, Xavier University Aruba, Scol pa Polis (KPA), Dr. Edwin Leyba, Trahador Social Señora  Miriam Illidge y Señora Zahira Peterson, Abogado Mr. Demis Illis, ICT Specialist Joseph Winterdal, ATA Derchlien Dijkhoff, A&T Marketing Señora Ann Nicolle Thijsen, Slachtofferhulp Señora Janine Rodriguez y Entrepreneur Sr. Omar-Steve Lejuez.

   Tabata hopi interesante, bunita pa mira y pa experiencia algun di e oradornan cu tabata ex-alumno di Filomena College MAVO y cu awor ta  profesional, cu a bolbe back na nan ex-scol pa inspira y guia e generacion nobo. Banda di orientacion profesional, alumnonan a haya tambe mensahe pa bida, pa yudanan pa scohe bon pa nan futuro.

  Un danki special ta bay na e tremendo team di mentornan di Filomena College MAVO cu a hacitur esaki posibel, esta Mentornan CA1: Meneer Farro, Meneer Aroeman, Juffrouw Sierra.  Tambe Mentornan CA2: juffrouw Paul, meneer Romero y esaki bou di Guia di decanonan: juffrouw Leslie y juffrouw Franken.  Danki tambe na Directorado Señora R. Lampe y Señora J. Oduber y tur otro docente cu a yuda durante e mainta aki. Sigur e tabata un mainta educativo y motivante pa alumnonan di Filomena College MAVO.