Minister Geoffrey Wever elaborando riba
ORANJESTAD (AAN): Tecnologia financiero, FinTech, ta worde presenta como posibilidad strategico pa diversificacion economico concreto, innovacion y crecemento di exportacion. FinTech ta referi na un ‘range’ amplio di innovacion tecnologico den e sector financiero cu ta mehora of cambia e manera cu servicio financiero ta worde provee pa haci servicionan financiero mas eficiente, accesibel y facil pa usa.
Como parti di e vision y maneho di Minister Geoffrey Wever, a financia e estudio cu United Nations Economic Commission Latin America and the Caribbean (UN-ECLAC) a haci na 2025 unda a identifica e oportunidadnan, riesgonan y obstaculonan di e sector di FinTech na Aruba. UN-ECLAC a haci un evaluacion di e eco-sistema. Como parti di e investigacion a involucra diferente stakeholders. A haci tambe un analisis comparativo cu OECD y e islanan SIDS di Caribe. A haci un mapping di e systema regulatorio y di institucionnan y a haci un sintesis strategico usando frameworks global.
E resultado di e estudio aki ta e base pa desaroya un strategia di implementacion pa e sector di FinTech na Aruba cual lo worde desaroya hunto cu Hulanda via Landspakket Aruba. Den e relato aki lo highlight en corto e resultadonan y recomendacionnan di e estudio. Door di scan e QR-code abou ta worde dirigi na e 4 rapporten cu a sali for di e estudio haci door di UN-ECLAC. Riba e ..(LINK) por lesa e rapportnan cu a ser produci abase di e estudio.
Pa locual ta trata e ambiente regulatorio di FinTech na Aruba, e resultadonan di e analisis ta subraya ‘gaps’ den e regulacionnan existente di Aruba, particularmente den areanan manera servicio universal, inclusion digital y supervision di comercio electronico y proteccion di privacidad. E cuadronan regulatorio mester ta mas amplio cu enfoke riba mehoracion di supervision, incentivanan di mercado y reformanan strategico pa stimula innovacion financiero y ta worde sugeri cu door di atende cu e ‘gaps’ den regulacion y stimula competencia, lo crea un ambiente mas conducente pa expansion di FinTech y modernisacion di e sector financiero di Aruba.
Encuanto con e oportunidadnan y riesgonan di FinTech y blockchain ta worde percibi na Aruba door di stakeholders, e resultadonan clave ta subraya e potencial di Aruba pa bira un base pa ‘export-oriented ICT services’, probechando di su infrastructura fuerte y forsa laboral bon entrena. Sinembargo, retonan tambe a ser identifica, incluyendo limitacionnan regulatorio y institucional, oportunidad di trabao limita y riesgo di ‘brain drain’. E necesidad di un ambiente regulatorio di sosten y iniciativanan dirigi na fomenta innovacion y competencia den e sector di ICT ta worde enfatisa cual lo yuda contribui na Aruba su diversificacion economico y resiliencia.
Recomendacionnan strategico a ser haci pa desaroyo di sector FinTech cu un focus riba uso di AI como bentaha y tecnologianan ‘ledger’ distribui. A ser evalua con cla Aruba ta den e sector di informacion y tecnologia di communicacion (ICT-sector) y e sector financiero, haciendo e comparacion di indicadornan clave cu counterparts den region, incluyendo Curaçao, Jamaica, Trinidad and Tobago y Reino Hulandes. Forsanan, manera tradicion democratico stabil, nivel halto di educacion y un sector bancario robusto ta ser subraya y ta identifica debilidad manera tamaño chikito di mercado y falta di regulacion den ICT.
Ta worde boga pa modernisacion regulatorio, incluyendo liberalisacion amplio di sector di telecommunicacion, establecemento di ‘sandboxes’ regulatorio y intervencionnan di gobierno dirigi na sostene desaroyo di tecnologia financiero y stimula innovacion. E importancia di uso etico di AI tambe ta ser enfatisa y ta worde proponi tambe pa desaroya un ‘roadmap’ pa implementa un ‘central bank digital currency’. Ta subraya e potencial di Aruba pa bira un ‘digital financial hub’ door di colaboracion entre fomuladornan di maneho, stakeholders di e industria y partnernan internacional. Tambe ta provee un resumen di e precondicionnan necesario y accionnan recomenda pa acelera e desaroyo di FinTech na Aruba.
Diamars 25 november 2025, Minister Geoffrey Wever hunto cu UN-ECLAC, representa door di sr. Dale Alexander y sr. Kwesi Prescod, a presenta e resultado di e estudio na Parlamento di Aruba y a haci entrega na Parlamento di Aruba di e 4 rapportnan. En corto un resumen di accionnan cu UN-ECLAC a sugeri cu por accelera progreso durante e presentacion na Parlamento:
(*) Implementacion di un programa di reforma regulatorio conhuntamente cu partnernan di desaroyo regional manera CTU y ECLAC cu enfoke riba: desaroyo di sector di telecomunicacion y ICT, revision di regulacionnan di sector financiero y revision di impacto digital riba propiedad intellectual y derechonan humano.
(*) Establece modalidadnan pa stimula e financiamento di sector di ICT y servicionan di FinTech door di inversionistanan den Aruba.
(*) Revisa e Ordenansanan di zona liber economico cu un enfoke riba establece incentivonan dirigi riba desaroyo di negoshi den e sector di ICT.
(*) Acelera e finalisacion di e modelo G2G y G2C di servicio transaccional di e-Government.
Durante e presentacion UN-ECLAC a indica tambe e siguiente ‘quick wins’ y ‘next steps’: finalisa e ley di Reino di consensus, haci un pilot di ‘sandboxes’ cu pay.aw y PSPs, fortifica partnership entre sector publico y sector priva, formalisa incentivanan ‘Free Trade Zone” y instala un ‘inter-agency FinTech taskforce’.
Dale Alexander: “Overall, our research found that, notwithstanding some strategic gaps and constraints, Aruba is well poised to develop fintech services and leverage AI and DLT. We noted that there already is some level of fintech activity, however, the regulatory environment needs to be strengthened in some areas. Altogether, our findings and recommendations offer a strategic blueprint to mitigate the challenges and enable the fintech ecosystem as part of Aruba’s broader digital transformation process.”
E resultadonan y recomendacionnan haci door di UN-ECLAC lo fungi como base pa desaroya e strategia di implementacion di sector FinTech na Aruba. Esnan cu ta interesa pa lesa e rapportnan di UN-ECLAC y haya conocemento mas profundo di e investigacion haci y e recomendacionnan, por scan e QR-code abou ta worde dirigi na e 4 rapporten cu a sali for di e estudio haci door di UN-ECLAC …(LINK).
Geoffrey Wever: “Un reto grandi den gobernacion ta transforma vision den resultado concreto. Mi ta contento pa e partners strategico den e proceso aki den forma di UN-ECLAC y Hulanda y nos stakeholders local pa nos desaroya e FinTech sector na Aruba. Esaki no ta un proceso facil ni lihe, e ta un materia complex y ta importante pa tuma e pasonan necesario di manera diligente.”
