ORANJESTAD (AAN) Pader Jose Miguel Nava, Hefe y Guia Spiritual di IKDA, a expresa e mensahe aki pa pueblo di Aruba,
durante e ultimo siman di Cuaresma, cu lo culmina cu e conmemoracion di Hesus su pasion y Morto, Diabierna Santo, pa Diadomingo celebra Su Gloriosa Resureccion den alma y curpa na Cielo.
Mensahe: “Rumannan probecha e ultimo dianan di Cuaresma: probecha pa bay cerca Dios, Busca Dios, tur ora, tur momento cu nos dedica na Dios ta un ganashi pa cada un di nos. Pasobra, Dios como Tata loke e kier pa bo bida, ta cosnan grandi, pero nos hopi biaha ta stroba e plan di Dios. P’esey bolbe bek cerca Dios. Ta un oportunidad grandi pa probecha e don y e buniteza di Su Amor den nos bida, den nos famia, den nos Comunidad di Aruba”, Pader Nava a conclui.
