Fiscal Patrick van der Biezen:
ORANJESTAD (AAN)—Fiscal Patrick van der Biezen, den entrevista cu DIARIO a menciona, cu den termino general, na momento cu Fiscal ta duna orden pa detene un persona, ta pasobra e motibo ta di tal indole cu mester actua legalmente.
Manera ta conoci denuncia a wordo presenta door di menasa cu tin contra polis, pero no ta solamente pasobra ta trata di polis den e caso aki, pero ora tin menasa contra cualkier otro persona. Y den e caso aki ta un menasa cu ta cumpli cu e rekisitonan di ta penalmente, Fiscal van der Biezen a indica, aunke e no por duna ningun detaye riba e caso aki specificamente.
Fiscal van der Biezen a comenta cu den pasado tambe tabata tin un caso unda Fiscal a laga detene personanan, pasobra nan a menasa otro. “Por ta no tur ora e ta pasa, pasobra nan a yega na conclusion cu e menasa ey no ta yega na e rekisitonan necesario cu ley ta rekeri.
Fiscal van der Biezen tin entendi cu na Hulanda tabata tin un movecion di protesta contra loke a sosode na Aruba, pero e no por bisa si, cu menasa a wordo haci. Pero e no ta descarta cu si a sosode e lo por tin consecuencia, y si t’asina e ta un proceso basta largo y no facil su tras.
