Masha bunita ta kedando e toren na Palm Beach

Trabaonan di artista Paul Wong ta luci:

ORANJESTAD (AAN):   Masha bunita ta kedando e trabaonan di embeyecimento di e toren na Palm Beach situa dilanti di Riu Antillas y cu a cuminsa dia 13 di juli ultimo.

            Por mira cu poco poco e trabaonan ta hayando mas forma y e pinturanan di e artista Paul Wong ya caba por wordo admira cu e tema di e Pelican.

            Esaki lo dura te cu 25 di juli 2024.

            Minister Oduber a duna di conoce cu ya caba na aña 2018 a drecha e toren aki, cual a wordo realisa en conhunto cu Riu Hotel cu a pone mita di e fondo cu tabata necesario e tempo ey.     Lamentablemente e trabounan cu a wordo haci pa drecha e toren e tempo ey no a dura mucho. Door di mal tempo y actonan di naturalesa un biaha mas e toren ta den un mal estado y mester wordo drecha.

            El a indica cu pa e motibo aki Ministerio di Turismo conhuntamente cu Aruba Tourism Authority a busca e fondonan necesario pa drecha e toren y plataforma aki. E biaha aki lo uza materialnan cu lo bay dura un tempo largo.

            Ta bon pa agrega cu e toren aki a bira un atraccion tanto pa local como pa turista.