Mas di 15 mil luz ta parti di e bunita iluminacion di Pasco na Seroe di Jan Flemming

ORANJESTAD (AAN):  Na Seroe Flemming tabata tin un bunita celebracion den cuadro di e cendemento di e luznan di Pasco. Albertico Flannegin,

ken ta forma parti di e comision di Seroe di Jan Flemming a bisa cu for di 2002 nan ta bezig tur december pa pega luz na e seroe.

            El a indica cu despues di dos aña, despues di Covid, e comision a reuni atrobe pa dicidi pa sigui cu e bunita tradicion aki.

            Flannegin a agrega cu for di Augustus nan ta bezig cu e preparacionnan pa e ocasion aki y a logra e meta cu a pone p'e pa por a ilumina e luznan dia 3 di december.

            Na prome instante a recauda fondonan pa e anochi aki por tabata posibel. Despues di a recauda e fondonan, a busca e luznan for di exterior y a haci uzo di negoshinan local pa por a haya e luznan na un manera mas barata.

            Ta papiando akinan di mas di 100 paki di luz di 150 luz cada un. Ta hopi luz y den placa toch esaki ta bastante, a remarca.

            Esnan di e comision ta hopi satisfecho y contento con e anochi di apertura a bay. E aña aki a enfoca riba e tema di Santa Claus.