ORANJESTAD (AAN): Relaciona cu tiramento diasabra anochi, Tisa LaSorte, Presidente y CEO di Aruba Hotel & Tourism Association (AHATA) a reacciona di e siguiente manera:
“Nos ta aprecia polis su accion y detencion rapido. AHATA ta manda mensahe di profundo condolencia na famia di e victima.
AHATA lo sigui den dialogo cu KPA y Aruba Hospitality & Security Foundation tocante metodonan di prevencion di crimen na Aruba. Pa seguridad di nos comunidad y nos economia, prevencion ta esencial.
