Ehercito Real Hulandes cu training di habilidad tecnico
ORANJESTAD (AAN): Pa e proximo tres simannan, ingenieronan militar lo ta train na Curaçao y Aruba. Mas cu 100 militar hulandes lo participa na e ehercicio anual di Caribbean Engineer. Durante e ehercicio, nan lo realiza trabaonan na sitionan di Defensa y yuda construi klasnan pa e Fundashon Futuro Brillante.
E personal militar Hulandes di “105th Engineer Company” lo train nan habilidadnan tecnico y funcionamento den ekipo na Curaçao y Aruba durante e proximo simannan. E ehercicio anualmente programa aki ta ofrece e ingenieronan e oportunidad pa construi y inova bao di condicionnan tropical, poniendo nan conocemento y habilidadnan di construccion na prueba. Durante nan estadia den Caribe, nan lo traha na diferente localidad riba proyectonan tecnico cu no solamente ta fortalece nan propio habilidadnan pero tambe ta contribui na comunidad. Durante edicionnan anterior di Caribbean Engineer, e soldatnan a construi un post di warda pa Carmabi na Shete Boka, un toren di vigilancia riba flamingo den e reserva natural Hermanus, y nan a lora manga tambe na e scol Kolegio Chaya Willems.
E aña aki, e militarnan na Curaçao ta yuda Fundashon Futuro Brillante construi klasnan adicional. Nan ta extende un rampa di boto na Base Naval Parera, renobando postnan di warda na Wacao, y bin cu un afdak na e tereno di tiro di Daou pa asina e entrenamentu por tuma lugar bao di tur condicion di tempo.
Na Aruba e ingenieronan ta trahando for di Marinierskazerne na Savaneta. Eynan, nan ta mehorando un waf y desmantelando un rampa di boto, entre otro. Instalacionnan na e kazerne tambe ta wordo renoba, usando gruanan pisa.
Den e proximo simannan, regularmente lo mira e ingenieronan na Curaçao y Aruba cu heavy equipment tipo ‘excavator’ pa coba, truck, grua, y mashin pa coba. E ekiponan grandi y importante aki a wordo manda for di Hulanda pa Caribe pa asina e militarnan por ehecuta nan tareanan optimalmente. Bao di condicionnan tropical, nan lo practica nan habilidadnan, aumenta nan posibilidad di keda desplega, y contribui na e infrastructura y e comunidad, fortaleciendo mas ainda e seguridad y resiliencia di e islanan.
