ORANJESTAD (AAN): E experto Velvet Zoé Ramos lo bay ta presentando un foro interesante titula “Simia y Reis: Cuminda, Cultura y Resiliencia”.
Esaki lo bay ta otro siman, y lo bira un anochi di reflexion, dialogo y sabor comparti. E lo enfoca riba parti di e exhibicion Interlasado: Pasado Presente di Velvet Zoé Ramos. E foro mes lo bay ta den sala na Museo Arqueologico Nacional Aruba.
Irvin Aguilar ta anfitrion y guia di e foro, y lo bay ta un espacio pa pensa riba cuminda den su sentido amplio, esta como memoria, historia, relacion y posibilidad.
E biaha aki e temanan principal: (*) Simia - Loke nos ta hereda y planta, fragmento di memoria, sobrevivencia y imaginacion. (*) Reis - Gesto, storia, y practica cu ta conecta nos cu otro y cu luga/ espacio. (*) Resiliencia - Con cuminda y cultura ta move entre pasado, presente y futuro, ta adapta, transforma, y carga speransa pa futuro.
Durante e foro, lo tin un instalacion comibel pa saborea mientras ta dialoga.
Esaki tur lo ta riba Diahuebs 25 di September 2025, for di 7:00 pm te cu 9:00 pm, na auditorio di Museo Arqueologico Nacional Aruba (MANA).
Personanan cu ta den e foro ta Harold Kelly, Oriana Wouters, Lorraine Cooijman, Frank Kelly, Velvet Z. Ramos.
Corda cu den e auditorio aki, e luganan ta limita.
