Mas ciudadano a bay siña cu Elmar con ta traha cu computer

ORANJESTAD (AAN): Recientemente e segundo grupo di Workshop Klik y Siña duna door di NV Elmar a cuminsa.

   Nan ta inmensamente agradeci na Sra. Jacqueline Woodley y YMCA San Nicolas pa e colaboracion continuo.

   E programa ta yuda pa fortalece e confiansa y facilita e participacion di adultonan mayor den e mundo moderno di awendia. Durante 5 siman di workshop, e participantenan a siña e.o. habilidadnan basico con pa utilisa un computer, siña browse riba internet, familiarisa nan mes cu Elmar su plataforma di cliente e-Connect y nan facturacion digital e-Billing.  Tambe con pa paga factura di coriente online.

   Tur esaki a demostra cu e mundo digital ta pa tur edad.