Mary Joan Foundation ta organiza caminata pa concientizacion riba cancer na pecho

ORANJESTAD (AAN) – Arabella Colina di Mary Joan Foundation, a elabora den conferencia di prensa,

tocante e caminata cu lo wordo organiza pa dia 30 di October, den cuadro di Concientizacion di Cancer na Pecho.

Arabella a cuminza pa yama danki na nan sponsornan, cu ta kere den e trabao di e fundacion, y asina pa varios aña ta support nan pa e caminata.

E caminata ta bay cuminza na Eagle Beach riba e walkway, dia 30 di October, pa 5.30 or di atardi y nan lo cana te prome cu Phoenix unda lo tin un water-post, y lo ta bek cu diferente premio.

Tin un suma di inscripcion, y por inscribi online riba e website di Mary Joan Foundation. E caminata no ta inclui flanel.

E meta di e caminata ta pa recauda fondo pa e fundacion, y nan kier yega na e suma di 75 mil florin e aña aki. Tambe na October lo sigui cu diferente fundraising. Alavez cu Colina ta gradici comunidad pa su contribucion ta conta cu lo sigui contribui pa e fundacion por sigui draai.

El a splica cu e flanelnan ta pa e prome 500 participante cu cumpra nan ticket y inscribi.