ORANJESTAD (AAN): Manera ta conoci, desde aña 2015 caba e compania Setar NV ta forma parti di e ceremonia di ‘Student Thesis Award’ di Universidad di Aruba.
Esaki ta un ceremonia dedica na studiantenan cu a destaca den e diferente facultadnan.
E biaha aki pa 2023, e compania Setar NV a otorga e asina yama ‘RBC-Setar Award’ na e graduado Mary-Jay Thijsen kende a sobresali den e facultad di Arts & Science: Organization, Governance and Management pa e aña escolar 2022-2023.
Durante e bunita ceremonia Mary-Jay a presenta su thesis titula: Organizational Performance of Aruban Child Protection Organization: Service Challenges Prior to and During the Covid-19 Pandemic Crisis at 'Directie Voogdijraad' pa cual el a haya un cifra ‘8’.
E compania Setar NV ta desea Mary-Jay masha pabien cu e bunita cifra y exito pa futuro.
