Martin Luttge huramenta como miembro militar di Corte Comun di Husticia  

ORANJESTAD (AAN): Informacion procedente di Curaçao ta indica cu Martin Luttge a huramenta oficialmente como miembro militar

di e sala militar multiple encarga cu casonan di apelacion na Corte Comun di Husticia.  E huramentacion a socede luna pasa y haci pa Gobernadora interino na Curaçao, esta Michelle Russel-Capriles.

   Señor Luttge desde 4 di December 2024 a wordo nombra pa Decreto Real como miembro militar.  Su nombramento ta basa riba su impresionante relato di trabao y su rango militar halto como Comandante.

   Como miembro di e Sala Militar aki, e lo participa na tratamento di casonan di Apelacion den cual militarnan ta sospechoso.

   E nombramento aki ta special, pasobra e nifica cu Martin Luttge no ta djis aporta su contribucion como director di operacion di Corte Comun, sino cu awor e tin un rol activo como miembro militar den e proceso primario di administracion di husticia.

   Corte Comun di Husticia ta responsable pa administracion di husticia na Aruba, Curaçao, St. Maarten, y na Bonaire, St. Eustatius, y Saba.