ORANJESTAD (AAN): Prome cu algun luna pasa, Conseho di Minister a tuma un desicion pa nombra Marko Espinoza como hefe di prensa di Gabinete AVP-Futuro.
E lo ta responsabel pa e comunicacion entre gobierno y comunidad.
Marko Espinoza no ta un cara nobo den e mundo di comunicacion. Su trayectoria ta inclui experiencia desde 2004, cu el a gana e schoolkrant Colarin na Colegio Arubano, y despues a traha den medio como AWEMainta, ATV Canal 15 y 24ora. Entre 2009 y 2017, el a sirbi den e Oficina di Prensa di Gabinete Mike Eman I y II.
Durante e periodo 2018-2025, Espinoza a ocupa un posicion visibel den 24ora, cu su trabao regularmente ta inclui cubrimento di e desaroyonan politico.
Su nombramento como hefe di prensa ta marca un siguiente paso den su carera, door di cual e lo maneha e canalnan oficial di comunicacion di Gabinete AVP-Futuro.
