ORANJESTAD (AAN): El a cumpra su numbernan favorito pa e wega di Big 4, y a bira contento ora cu el a mira cu su numbernan a sali tambe!
Pesey mes riba Diamars, Mariela a acudi na oficina di Lotto na Playa pa reclama su premio. Mesora e funcionarionan di Lotto a check su ticket pa mira si acaso el a pone su firma, y tambe su number di banco parti patras.
Ora di a scan e barcode den computer, inmediatamente e aparato a confirma cu el a gana 10.000 Florin cu e wega di Big 4.
Despues di esey a sigui cu e proceso unda a transferi e premio electronicamente pa su cuenta di banco. Mariela a indica cu e ticket ganador mes el a cumpra na Meiveld Lucky Lottery.
