MEDELLIN: E cantante di vallenato Silvestre Dangond, a divulga cu el a bolbe test positivo pa Covid-19.
E artista a cuminza sinti su curpa malo y haya demas sintoma despues di su ultimo presentacion dia 25 di December 2021 na Caucasia, na departamento di Antioquia.
Dangond a bisa cu el a bin haya tosamento pisa, y su curpa no ta sinti bon mas. Pesey el a dicidi na haci un test, y a descubri cu atrobe el a haya e Coronavirus.
Awor e artista a pidi tur esnan cu recien tabatin contacto cune, pa nan tambe bay den cuarentena y si acaso nan tin sintoma, pa nan bay haci test.
Pa awor, Dangond ta den isolacion y lo no sali riba caya por lo pronto.
