Antes tabata 6 luna --- ORANJESTAD (AAN): Anteriormente pa por a ricibi e 'booster shot' DVG tabata warda un periodo di 6 luna despues di a ricibi e di dos vacuna of despues di a test positivo pa e persona por busca e 'booster shot'.
Desde awe 28 di december 2021 cu aprobacion di European Medicines Agency (EMA) Aruba ta reduci e periodo entre vacuna 2 y booster na 3 luna y tambe pa esnan cu a test positivo despues di e di dos vacuna lo tin pa warda unicamente 3 luna pa ricibi e booster. E cambio aki ta uno efectivo y tambe sigur.
Recapitulando e ora esaki ta significa cu tur persona di 50 aña of mas cu a ricibi nan di dos vacuna 3 luna pasa of es cu a test positivo 3 luna pasa of mas por acudi na Centro Deportivo Libertador Betico Croes riba dia 28, 29 of 30 di december for di 8 or di mainta te cu 3 or di atardi pa busca nan 'booster shot'.
