Marie-Claire Heinze a defende cu exito su tesis 'Aruba’s Capabilities and the Development Opportunities for the Primary Sector'

Santa Rosa contento cu e interes di e hobennan riba desaroyo di Sector Primario

ORANJESTAD (AAN):  Diabierna, dia 3 di December den e College zaal na Santa Rosa, Marie-Claire Heinze, studiante di e Facultad di FEF di Universidad di Aruba, a defende su tesis y a logra su titulo di Bachelor den Accounting y Finanzas cu exitosamente.

            Despues di varios luna di preparacion, estudio y entrevista cu diferente stakeholders y expertonan den e diferente sectornan di Agricultura, Criansa y Pesca, finalmente Marie-Claire a finaliza su scriptie cual tabata bastante extenso.

            Den su tesis, Mari-Claire, a studia y evalua e potencial di e 3 sector nan cual ta forma nos Sector Primario, analizando tur informacion y documento pa asina por a logra analiza y duna e recomendacion ariba cada sector.

            El a presenta tanto e potencial como e limitacionnan pa cada sector y alavez a elabora ariba e diferente recomendacion y strategia cu lo ta relevante pa por desaroya cada sector. Su documento final, sigur lo aporta como sugerencianan pa nos Sector Primario den su totalidad.

            E resultado final a mustra, cu cada Sector tin su potencial a pesar di tur e limitacionnan cu actualmente tin. Sin embargo, el a presenta tambe kico por ta posible solucion, cual ta exigi e determinacion di tanto e Mandatarionan como diferente Departamento  Gubernamental y priva, cu mester traha conhuntamente pa por tin resultadonan exitoso den cada sector.

            E panel di examinadonan, cu tabata responsable pa controla y finalmente evalua tanto su raport como su defensa mediante su presentacion, tabata Sr. Eduard Erasmus y  Sr. Joost Jacobs, ambos Docente di FEF como tambe Sra. Nathalie Maduro, Director pa Departamento di Agricultura, Cria y Pesca -Santa Rosa. Tambe presente na e ocasion aki, tabata su mayornan, ruman, familiares y demás invitadonan special.

            Sra. Maduro a felicita Marie-Claire y gradici'e pa su interes den e tema aki y alavez a tuma e probecha pa gradici tambe ambos Docente y Universidad di Aruba, pa e oportunidad di por traha conhuntamente cu studiante =nan di dicho facultad pa nan cooperación y pa aporta na stimula nos futuro generacion encuanto di e importancia di nos Sector Primario.

            Staff y personal di Santa Rosa ta felicita Marie-Claire Heinze cu e bunita logro aki.