Maria Luisa Zevallos Pacheco di Peru a publica buki nobo cu portada di bahada di solo na Aruba

ORANJESTAD (AAN): E autora Maria Luisa Zevallos Pacheco di Peru, e siman aki a regresa Aruba, y cu su ultimo buki.

    Su obra literario nobo, “En La Tarde de mi Vida”, ta combina cu un bunita portada cu e sunset di Aruba.

   Naci na Peru, el a studia na Colegio Sagrados Corazones na Belen (Lima), y despues a drenta Universidad Nacional Mayor di San Marcos, unda el a finaliza estudionan den Letras y Educacion.

   El a gradua como docente di Educacion Secundario, y a sigui cursonan di specializacion den Orientacion di Educacion, Historia, y mas.

   E ta haci trabao profesional den diferente scol publico y priva,como tambe Institutonan Halto y Universidadnan na Lima.

   E tin diferente buki na su nomber, y ademas di esey, Maria Luisa Zevallos Pacheco tur aña e ta bishita Aruba.

   Colaborador Gerardo Sanson di DIARIO a ricibi e bunita buki nobo di dje como regalo, y e portada ta mustra un boto di bela pasando net na bahada di solo na Aruba.