Esaki pa recauda fondo pa muchanan di e categoria 5-6 aña bay competi den baseball contra Bonaire
ORANJESTAD (AAN) – Señora Wever, mayor di un miembro di 584 Travel Team, a menciona den entrevista cu DIARIO cu e team ta organizando un bingo hunto cu Caribbean Bingo, cu ta bay tuma lugar dia 6 di Augustus.
E meta pa e bingo aki ta pa e team por bay Bonaire cu e muchanan den categoria di 5 y 6 aña, ya cu nan a haya un invitacion di Bonaire pa nan bay hunga Baseball ayanan.
Esaki ta algo hopi leuk, un experiencia completamente nobo pa e muchanan den e categoria menciona. Pues e bingo aki ta pa recauda fondo pa participa den e wega di baseball na Bonaire na luna di October, unda nan lo biaha riba dia 5 di October y lo bolbe Aruba un grupo dia 10 y otro grupo dia 11 di October.
584 Travel Team su muchanan di 5-6 aña lo hunga conta dos of tres team na Bonaire pero esaki no ta sigur ainda.
