ORANJESTAD (AAN): Den fin di siman, director- y docentenan di Maria College MAVO a ricibi e tristo noticia cu nan ex-alumno,
Sayoha ‘Leslie’ Marcano, a bay sosega cerca papa Dios, despues di un lucha cu yen di reto pa un transplante di curason.
Leslie tabata un mucha super alegre, positivo, creyente, respetuoso y cu hopi pasenshi. E tabata stima lesa, arte y semper a mira e bon den tur situacion. Un berdadero guerera, kende a inspira hopi hende.
Team di Maria College MAVO ta desea hopi forsa y consuelo na su mami, papi y tur su famia. Cu Dios brasa nan den e tempo di tristesa aki. Regresa na papa Dios, nos guerera. Bo lucha a caba, pero bo lus lo sigui briya den nos recuerdo pa semper.
