Fiesta di Cunucu tabatin un fabuloso competencia culinario

ORANJESTAD (AAN): Manera a wordo publica anteriomente. Fiesta di Cunucu un biaha mas exitoso organiza pa Departamento di Adulto Mayor (DOZ) y

Departamento di Agricultura, Cria y Pesca Santa Rosa (DLVV) den combinacion cu Mercado Santa Rosa. Mercado Santa Rosa no por ta completo si no tin cuminda Crioyo pa saboria.

   Ta esaki Santa Rosa ta promove y concientisa pa come mas saludabel posibel y Crioyo logicamente. Esaki ta debi cu durante di Mercadonan di Santa Rosa semper tin un of otro cuminda crioyo masha dushi mes ta wordo ofreci. Ora bo bishita un di nos mercadonan bosa cu ta cuminda crioya ta na prome lugar.

Na momento cu a acerca esnan cu ta bin ofrece cuminda crioyo durante “Fiesta di Cunucu” y Mercado Santa Rosa nan a wordo informa cu lo bay tin competecia di cumnda crioyo y cu nan por participa cu e plato crioyo cu nan ta desea of e por ta sandwich tambe. A percura pa invita tres chef pa por husga e platonan aki.

   A acerca EPB San Nicolas pa mira si nos por haya cooperacion pa e chefnan aki di cual den prome instante ya nan tabata cla pa duna un man y aporta tambe na e paltonan crioyo cu lo bay wordo ofreci riba e dia aki. E chefnan presente riba e diadomingo di “Fiesta di Cunucu” tabata señora Helena Bislip, sr. Orlando Petronia y sr. Joris Peeters.

   E tres Chefnan aki nan tarea tabata pa purba tur plato cu a wordo presenta y asina husga y duna un punto final pa saca e ganadonan. Pa loke ta e ganadonan di cuminda y sanwich crioyo a den esnan di “Aruba di Antes” cu a ofrece Pan cu Calco cu a keda na prome lugar. E plato crioyo na prome lugar a bay pa Fundacion Cas Marie cu a ofrece un tremendo Pisca Crioyo.

   Na final nan a ricibi nan respectivo premio for di man di director di Departamento di Agricultura, Cria y Pesca, Santa Rosa (DLVV) den persona di señora Nathalie Maduro y tambe sra, Desiree Helder director di Directie Ouderenzaken (DOZ).

Palabra di felicitacion y gratitud na e ganadonan y tambe na e chefnan di EPB Pariba di por a duna realse y mantene nos platonan crioyo semper bibo pa tur hende por sabordia y sigui mantene nos cultura di cumindanan crioyo.