ORANJESTAD (AAN): E no a logra saca tur number y e mega ball pa e sorteo di Mini-Mega, sinembargo el a saca 4 bolita bon si.
Pesey Maria a gana e di dos premio! El a traha su combinacion cu su numbernan di suerte, y a bira contento pa mira cu el a gana.
Pesey riba Diabierna el a acudi cu hopi alegria na oficina di Lotto na Playa pa reclama su premio. Aki nan a revisa su ticket y a scan e barcode. Computer di Lotto mesora a indica cu el a gana 14.293 Florin cu e di dos premio di Mini Mega.
Mesora a uza e numbernan cu el a skirbi riba su ticket, pa transferi e premio electronicamente pa su cuenta di banco. Maria a bisa cu e ticket ganador mes el a cumpra na Meiveld Lucky Lottery.
