ORANJESTAD (AAN): Diasabra dia 11 di Juni na Cas di Cultura ta bay tuma lugar un produccion propio yama:
‘Cas di Cultura presents Pride on Stage’.
Robert Anjie a splica cu e evento aki a nace aña pasa.
“Aña pasa nos a cuminza chikito cu nos reemergence event anto e aña aki nos a dicidi di hibe na un nivel mas halto, treciendo un concierto y un show completo, no solamente pa e comunidad LGBTQIA+, sino Aruba henter ta invita pa e tremendo anochi aki”, segun Anjie.
El a splica cu ta bay tin diferente tipo di entretenimento.
Ta bay tin diferente DJ, presentacion di artistanan manera The Late Romances, Jair “Buddy” Versprey, Mak, Sean Kelly, Jeanedy Semeleer, Mitch Almary y Monica Pulido, como tambe actuacion di diferente Drag Queens.
Lydianne Croes di Fundacion Orguyo Aruba tambe a hiba palabra.
El a gradici Cas di Cultura cu a tumami iniciativa pa haci eventonan manera esaki, cu ta yuda crea mas aceptacion y mas visibilidad den nos comunidad.
“Ta cosnan hopi importante pa e comunidad LGBTQIA+”.
Ta spera cu tur hende bin apoya y sostene e evento importante aki, segun Croes.
https://diario.aw/categories/noticia/general/cas-di-cultura-presents-pride-on-stage-diasabra-awor#sigProId2ddf0862d5
