ORANJESTAD (AAN): Tabatin un ganador di e sorteo di Lotto di Dia di Diasabra 15 di Januari 2022.
Maria a hunga su numbernan special cu ta 02, 05, 09, 11, y 17.
Pesey mes riba Dialuna el a acudi na oficina di Lotto na Playa pa reclama su premio.
Aki mesora trahadornan a check su ticket, y a mira cu el a pone su firma. Asina a pasa pa scan e barcode.
E computer di Lotto a indica mesora, cu Maria a gana 64.000 Florin cu e sorteo di Lotto di Dia.
Di e forma ey a pasa pa e proceso pa transferi e premio electronicamente pa su cuenta di banco.
Maria a indica cu e ticket ganador el a cumpra na Gitano Lottery.
