ORANJESTAD (AAN): Dos siman pasa, esta riba Diadomingo 21 di December 2025 Aruba Astro Research Int. y
e conocido Marcos Bislip a cumpli 35 aña den e tereno di Astronomia.
Tabata na aña 21 di December 1990 cu Marcos Bislip hunto cu Ron Van Kessel, Ruben Trappenberg y meneer Jacobs a bin hunto y a lanta e organizacion Aruba Astro Research Int. y na 1997 Gobierno di Aruba y Astronomical League, NASA y IAU ta reconoce AAR y Marcos Bislip, kende a wordo nombra pa Gobierno di Aruba como e persona cu ta representa e tereno di astronomia aki na Aruba desde April 1997 y ta wordo nombra pa ministerraad pa dirigi e Eclipse Total di Solo di 26 di Februari 1998 na Aruba. El a bira e director nacional pa cu e evento y astronomia na Aruba.
Na 1999 Sr.Marcos Bislip a representa pais Aruba na Turkia na Kastamono pa prome biaha den e team internacional di astronomia IWGE te dia di awe ta e maximo representante. Tanto Marcos Bislip y e asociacion nacional di astronomia Aruba Astro Research Int. ta dirigi y maneha e tereno di astronomia aki na Aruba y tambe representa Aruba den exterior pa 35 aña consecutivo.
Marcos kier a gradici na e team nobo di Aruba Astro Research Int. pa e tremendo adelante den tecnologia un danki na Rinus y Dario cu a bin yuda y na Ron Van Kessel cu ta un baluarte grandi tambe. E tres miembronan cu tin mas aña den Aruba Astro Research Int. ta Sr.Jacobs sigui pa Sr.Ron Van Kessel y Sr.Marcos Bislip.Rinus ta e expert den transmision live via telescope, mientras Ron Van Kessel y Marcos Bislip ta astrofotografo y astronomo y investigador.
