Plataforma Nacional Herencia di Sclavitud na Aruba
ORANJESTAD (AAN): Directiva di Plataforma Nacional Herencia di Sclavitud na Aruba (PNHSA) kier comparti cu comunidad Arubano un resumen breve di actividadnan cu PNHSA a organisa den segundo parti di 2025.
Den September nan a reanuda reunionan di directiva seminalmente pa planea y prepara actividadnan di PNHSA y colaboracionan cu otro organizashonan y personanan local y interinsular den e segundo parti di 2025 y pa 2026.
Nan a drenta un colaboracion cu Comicion di Conmemoracion (Herdenkingscomite) y Biblioteca Nacional Aruba, succursal San Nicolas (Edificio Ananzi). E actividad tabata forma part di un serie di 6 sesion di Youth Dialogue dirigi pa hobennan di 12 pa 18 aña. Un grupo di 25 hoben mayoria Afro-Arubano a participa, parti den tres session: (*) Session A. Historia di Kurashi pa medio di AI Videos. (*) Session B. Ananzi via Virtual Reality. (*) Session C. Caranan di Poder: session creativo.
Den tres session hobennan presente a participa den programa di dialogo tocante Ananzi, den session cu VR (virtual reality) y den un intercambio di opinion basa riba cuater video cortico tocante herencia di sclavitud.
Relato cortico di un parti di e programacion (Session A) 3 session di video durante es evento. Tambe 4 video cortico tokante diferente aspecto di historia di entre otro Aruba (cu habitantenan Indio o sea indigena), captura y traficashon di Africano como catibo cu a ser bendi y transporta den Caribe y America a ser mustra na tres grupo di hoben cu a participa den e evento. E hobennan a duna nan opinion y a expresa nan ideanan pa cku e tema den un ambiente anima. Es actividad a cay den bon tera.
October y November 2025 diferente miembronan di directiva a participa den un serie di 12 transmicionan via radio y livestream cu e titulo “After the Chains” na e emisoranan Hit 94 FM, Magic FM, Waves 1- 2 Steph y Wavez OK, Then Sis, S.
Den e programanan diferente miembro di directiva a comparti informacion historia y influencia Africano, origen y desaroyo di sclavitud y racismo, e razconan di sclavitud y possible solucionnan pa sana e trauma transgeneracional.
E intercambio di informacion a bay den un ambiente anima y e feedback for di comunidad tabata uno di apoyo pa trece y papia tocante e topico delicado di nos historia Arubano y cu ta bale la pena pa por tin mas combersacion. E transmisionann te hasta a inspira diferente persona cu a acerca directiva di PNHSA pa colaboracion den futuro cercano.
Tambe e directiva di PNHSA a skirbi un carta publico na comunidad Arubano vociferando nos opinion
tocante e tema di “Zwarte Piet”.
Directiva di Plataforma Nacional Herencia di Sclavitud na Aruba ta gradeci tur persona, organizacionan y instancianan cu nos pa colabora y intercambio di ideanan y opinion y nos ta spera di por sigui engrandece esaki den 2026.
Por sigui actividadnan di PNHSA via nan website www.pnhsa.org
Directiva di PNHSA ta deseando comunidad Arubano feliz dianan di fiesta y un añna 2026i sano, salvo y prospero y cu e zona di Caribe ta keda un zona di Paz.
