Marca local ARUBIANO felicitando Tara cu su triunfo na Punta Cana

El a bira Teen Nuestra Belleza Internacional

ORANJESTAD (AAN): Bon noticia a drenta for di Punta Cana na Republica Dominicana, unda Aruba a logra conkista e titulo maximo di e certamen Nuestra Belleza Internacional 2025.

   E beyeza di Aruba, Tara van der Werk merecidamente a logra titulo maximo di  Nuestra Belleza Internacional.  Pesey mes, Aruba henter mester ta orguyoso di Tara.

  Palabra di pabien ta bay na e organizadornan na Aruba, cu a percura pa hiba Tara pa e certamen internacional aki.  Tambe a compronde cu Tara y su famia ta gradici tur esnan cu di un manera of otro a yuda cu e preparacion y logro aki.

   Mama di Tara a declara aki: “Danki na e famia di ARUBIAN^O, esta Eva Wever pa otorga Tara e oportunidad pa traha riba su proyecto social y su passion cu ta animalnan sin un hogar.”

   ARUBIAN^O mas cu claro ta honra y agradecido na Tara van der Werk, kende actualmente ta fungi como brand ambassador di nan marca local.  E ta un fuente di inspiracion, ehemplar, y un berdadero motivacion pa hubentud di Aruba.

   Nan a splica cu e marca ARUBIAN^O y Tara lo sigui hunto cu mas di e bunita trabao pa naturaleza, concientizacion di parha, y rescate di animalnan, principalmente cacho.