Next Generation Learning pa fomenta talento y promove bienestar
ORANJESTAD (AAN): For di 28 pa 31 di October 2025, profesionalnan di enseñanza y cuido infantil na Aruba, Curaçao, y Bonaire lo reuni na e Congreso Nacional di Educacion di Caribe. E congreso aki ta dedica completamente na e enseñanza di ‘Next Generation Learning’. Esey ta enseñanza cu ta adapta na mundo di mañan. Laga bo mes wordo inspira door di top oradornan, workshopnan interactivo, y hermentnan practico cu por wordo aplica directamente den bo klas of organizacion.
E tema e aña aki ta ‘Next Generation Learning: Fomenta Talento y promove bienestar’. E congreso ta ser organiza debi cu mundo ta cambiando rapidamente. Enseñanza tin di adapta su mes na tecnologianan nobo, conocemento pedagogico, y e inovacionnan didactico. E “Nationaal Onderwijs Congres Caribbean” aki ta ofrece e profesionalnan e chens di adkiri conocemento, haya inspiracion y obtene hermentnan practica pa por sigui duna enseñanza dirigi riba futuro.
E congreso ta pa tur profesional di enseñanza y cuido infantil: Docentenan, directornan di Scol, administradornan, y personal pedagogico.
Loke ta haci e Congreso aki unico: (1) Oradornan di prome nivel cu contenido dirigi riba practica, e.o. Luk Dewulf, kende ta experto y orador internacional den desaroyo di talento y autor di varios buki. (2) Workshopnan local prepara pa expertonan di region. (3) Sesionnan interactivo y un oferta amplio di lectura y workshop dirigi riba practica. (4) Conocementonan directamente aplicabel den klas of den organizacion. (5) Profesionalizacion, cu ta ideal pa uza esaki como parti di presupuesto di profesionalizacion.
Na Aruba, esaki lo ta Diamars 28 di October na Colegio Arubano na Oranjestad, y e congreso lo cuminza pa 1:20 pm.
