Marca ARUBIANO ta desea Tara van der Werk tur exito na Punta Cana

ORANJESTAD (AAN): Diadomingo anochi trempan, dos candidata a sali di Aruba rumbo pa Punta Cana,

na Republica Dominicana pa participa den certamen di Nuestra Belleza Internacional 2025.

   Uno di nan ta Tara van der Werk, kende ultimo simannan a demostra e berdadero esencia di ‘Beauty with Purpose’, y su meta tabata pa concientiza tur hende riba e beyeza di cuido di animal.

   El a haci esaki hunto cu e marca local ARUBIAN^O, y a demostra cu beyeza berdadero ta bin fo’i paden, y e legado cu bo ta crea, ta bay mucho mas leu cu djis e escenario.

   Gerencia di ARUBIAN^O tambe ta desea Tara tur clase di exito. Nan ta orguyoso di e dama hoben bunita, fenomenal, y inteligente cu ta bayendo pa representa su isla na e certamen na Republica Dominicana.  Nan a mira den Tara, un fuente yen inspiracion, bon ehemplo, y totalmente motiva pa yuda hubentud Arubiano.

   Tara ta lucha pa informa y educa riba e importancia di ta doño responsabel di mascota na Aruba, pa asina yuda nan hiba bida mas largo y saludabel, y bira un mihor comunidad pa tur hende.  Nan ta desea Tara tur cos bon, pa e acepta su beyeza interno, lidera cu elegancia, y laga atras un impacto duradero.