Minister Wendrick Cicilia:
ORANJESTAD (AAN): Gobierno di Aruba, hunto cu Aruba Tourism Authority, tin algun tempo caba cu a cambia e maneho di turismo den cual ta enfoca riba balor y no cantidad y esaki ta funcionando. Durante tratamento di presupuesto di TPEF, a trata e preocupacion riba e tension internacional actual y con ta bay atende cu esaki.
Minister di Turismo mr. Wendrick Cicilia den su entrevista cu prensa a informa cu, desde cu a ricibi indicacion di posibel impacto riba e mercado di Norte America, di cual mercado nos isla ta depende grandemente, a bin ta monitoria e desaroyo aki di cerca pa asina bin cu un plan di contingencia, a reserva fondo cuantioso pa asina aumeta e mercadeo den e mercado Europeo, como tambe mercado Latino Americano, cu intencion pa atrea turismo cu por desaroya positivamente y asina no depende unicamente di e mercado Mericano.
Diversificacion di e mercado ta primordial, y aumento di vuelonan pa Aruba, cu dos buelo adicional di KLM pa e temporada di verano 2025-2026 y tambe e recien acuerdo cu Suisa pa e “open sky policy”, ta habri oportunidad pa mas capacidad aereo for di Europa.
E comparti e plannan aki ampliamente durante tratamento di presupuesto, pa trece trankilidad y corigi e e rumornan falso cu oposicion ta circulando den comunidad.
Minister Cicilia tin e compromiso pa eleva e calidad di turismo cu ta bishita nos isla basa riba nan capacidad di compra, pa por trece prosperidad comparti pa comunidad di Aruba.
