ORANJESTAD (AAN): Den su esfuerso continuo pa garantisa un suministro di awa sigur, confiabel y di calidad halto,
e compania WEB Aruba NV ta realisa mantenimento periodico di su tankinan di awa.
Awor ta na turno e tanki di Sero Preto, cu tin un capacidad di 6.000 meter cubico. E tanki aki ta un punto crucial pa suministro di awa na e distrito di San Nicolas, Sero Colorado y vecindario. E mantenimento regular ta necesario pa prolonga bida di e tanki, pa preveni fayo den structura, y mas importante ainda, pa sigura cu e awa cu ta worde almacena y distribui, ta keda den un estado apto pa consumo humano.
E trabao di mantenimento lo inclui inspeccion tecnico externo, reparacion structural si acaso esey ta necesario, y aplicacion di material pa preveni corosion.
Segun WEB a splica, despues di mantenimento di tanki Sero Preto, e siguiente tanki cu ta programa pa ricibi esaki ta e Tanki na Mondi Fierno.
