Otmar Oduber
ORANJESTAD (AAN): Segun Otmar Oduber di Plataforma Pais, e ta convenci cu e maneho deficiente di minister Ursell Arends por worde demostra cu su maneho pa loke ta RWZI cual ta un berguensa, Otmar Oduber ta declara.
Despues cu DOW a traha tur rapport tempo Oduber tabata minister caminda cu a papia cu ATA pa uza e fondo di emergencia pa inverti den un planta cu a costa aproximadamente 60 miyon Florin, awo ta sali y papia di 200 miyon.
E tempo ey a bisa cu si Parkietenbos y Zeewijk tin tal machin, pa bay den e mesun direccion pa loke ta trata Bubali, segun consehonan di DOW, pasobra e ora lo por busca un inventario di piesa, tur machin lo ta mescos y laganan draai mescos, haciend’e esaki mas eficiente.
Pero no kier a sigui cu loke Otmar a laga atras y awe ta papia di 200 miyon y kier bay na e ‘baca lechera’ cu ta nos turismo pa regla asunto di pupu na Aruba cu turista, matando e galiña cu ta pone webo di oro pa Aruba. “Shonnan, boso no ta compronde cu e efecto no ta bin awor pa nos turismo, e efecto ta bin den un par di aña ora nos ta overpriced nos mes na Aruba, anto e ora ey, tur e hotelnan cu ta renobando, cu ta worde amplia y yena, y cu ta worde critica ta bay keda bashi. Pero esnan cu a tuma e decision awe, cu no a tuma nan retiro, manera Ursell Arends cu no a tuma su retiro awe, mester worde poni personalmente responsabel”, Otmar ta opina.
E ta sigui puntra ken lo bay paga e miyones na Amsterdam Manor, pasobra e minister tabata dehado di drecha RWZI na Bubali? E ta agrega cu tur gobierno a faya, pero e actual minister tabatin e rapportnan di DOW, tabatin e forma pa por hacie pasobra sip or a saca 80 miyon Florin for di ATA aña pasa, cu e suma aki por a cumpra e planta complete pa RWZI.
“Ta imposibel cu tur rapport ta bisabo cu loke bo a haci ta fout, a bay paga pa bioaugmentation cientos di miles di Florin e ultimo lunanan siendo cu tur hende ta bisabo cu bo no por uza bioaugmentation den Bubaliplas pasobra e ta un machin cu ta rebolbe e awa. Normalmente bo ta uza bioaugmentation ora ta trata di awa para, pasobra e ta kita e holor y mata e bacterianan, etc. Pero den machinnan cu ta circula bo no por use. Es decir, nos a perde cientos di miles di Florin caba pa un maneho deficiente, malo y cu no tin ni pia ni cabes”, Otmar Oduber a indica.
Relaciona cu esaki, siman pasa tabatin un veredicto cu lo por bay costa nos miyones di Florin, pero pa Otmar, esun responsabel ta Ursell Arends como minister cu ta fayando den tur su carteranan.
