Loutiza Raven a lanza su EP nobo cu ta inclui canticanan na Ingles tambe

Durante un anochi hopi exitoso:

*Un bunita show na aire liber riba Plaza Daniel Leo 

ORANJESTAD (AAN) – Un show espectacular, e hoben cantante local Loutiza Raven, a presenta na aire liber, Diabierna 4 di October pa 7 or di anochi, na Hoya Cocktail Bar, riba Plaza Daniel Leo.

Loutiza a lanza su EP nobo durante un anochi hopi exitoso. Su EP tin 16 cancion, y su lanzamento a haya e acogida di e publico presente cu tabata hopi entusiasma. Curazon Arubano ta e cantica cu cual el a promove su EP.

E persona tras di dje, su motor ta su tata, cu ta su couch, y el a comenta na prensa cu den su EP nobo tin cantica na Ingles tambe, p’asina complace su publico cu un tiki di tur cos. Pues, hopi exito pa Loutiza Raven, y cu e sigui briya cu su exitonan musical y su EP nobo aki.