Louienne Eunice Albertsz a wordo corona como Miss Aruba Online 2021

ORANJESTAD (AAN): Durante un actividad cumpliendo cu tur protocol, riba Diasabra anochi a tuma lugar e coronacion di e certamen di Miss Aruba Online 2021. 

   Esaki den e patio special y grandi cu tin parti patras di e establecimento di Patio 15 den Weststraat na Playa.

   Y e ganadora maximo di e evento a bira e dama bunita Louienne Eunice Albertsz, cu a wordo corona door di Endy Croes como “Miss Aruba Online 2021”.

   E ganadora ta conoci tambe como Juffrouw Nini, un docente y el a keda sumamente contento cu un sonrisa constante.  El a divulga cu e ta dedica su corona na e “Luna di Concientizacion pa Salud Mental”.

   Na di dos lugar a wordo corona e dama bunita Marie Sonise Eliassaint cu tabata hopi contento mes.

   E di tres lugar a bay pa e dama bunita Tyfanny Garcia cu sigur a luci na forma formidable e anochi aki.

   Demas finalistanan pa e anochi tabata e dama bunita Judienne Celaire, y tambe e dama bunita Shaznay Pantophlet.

   Pabien na tur cu a luci e anochi, y tambe na e organizadornan.