ORANJESTAD (AAN): Awe Diabierna 26 di mei, Lotto, e loteria di Aruba,
ta contento di por anuncia un integrante nobo “Money Tree” den e famia di Instacash cu lo duna bo e oportunidad pa gana placa cash al instante!
Abo ta cla pa gana placa instantaneamente y no mester warda pa sorteo? Desde dialuna awo, 29 di mei Lotto lo trece un adicion mas na e famia di Instacash cu ta yama Money Tree.
E wega di Money Tree ta costa solamente 2 Florin cu lo tin diferente premio cash y bo por gana te cu 3.000 Florin.
Con pa hunga: Bishita bo rebendedo di Lotto preferi y pidi pa bo Money Tree di Instacash desde dialuna awo. Riba e ticket bo ta wak bo Money Tree yena cu diferente simbolo. Bo ta marca e simbolonan di placa den bo Money Tree y si bo haya por lo menos cuater simbolo di placa den bo Money Tree, bo ta gana e suma cu tin den e seccion di premio parti abao.
Instacash ta dunabo e oportuinidad pa hunga bo weganan preferi manera 5X The Cash, 10X The Cash, 20X The Cash, Bingo y awo Money Tree cu ta dunabo e chens pa gana placa al instante!
Lotto, E Loteria di Aruba tin diferente wega, Catochi, Big 4, 1-OFF, Zodiac, Wega di Number di Curaçao di Lotto, Lucky 3, Multi-X, Lotto di Dia, Lotto 5, Mini Mega y cu su Mega Plus y e diferente weganan di Raspa y Gana y Instacash. Cumprando Lotto bo ta contribui na deporte riba nos isla. E meta ta pa organiza loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
