ORANJESTAD (AAN): Recientemente, Minister Endy Croes a reuni cu Fundacion Lotto pa Deporte y su conseheronan.
Durante e reunion a duna un “update” di FLPD, despues cu a firma e ultimo contract cu Canadian Bank Note (CBN), unda cu FLPD desde aña 2023 lo ta den control back di loteria su operacion.
Falta algun detayes, e.o. documento cu mester pasa via notario, cambio cu mester trece den statuto y asuntonan di banco cu mester aregla huridicamente. A presenta un plan di ehecucion na Minister Endy Croes con ta bay atende cu esaki den e proximo lunanan y tambe duna un calculacion di cuanto tempo e proceso aki ta bay dura. Locual tambe ta di vital importancia ta Jaarrekening 2020 y 2021 cu mester ta cla pa tur e proceso tuma luga.
Un reunion basta largo cu informacion concreto, basa riba e contract cu a firma, unda cu desde aña 2023 en bes cu CBN cobra un “management fee” di 23.5%, ta bay cobra solamente 8.25%. Pues, pronto FLPD por ta den control back di loteria Arubano y pronto deporte di Aruba y nos deportistanan ta bay mira fruto di esaki.
