ORANJESTAD (AAN) – Nos grandinan tambe tin un number di telefon pa yama, esta 125. Lenny Geervliet kende ta Hefe di e Departamento di Adulto Mayor na DVG,
a expresa cu ta sinti su mes hopi contento di ta presente na e lanzamento di e number aki, cu ta un servicio gratis pa adultonan mayor, cu ta un proyecto basta largo te cu a yega akinan. Awe, diamars 4 di April, e grandinan por cuminza yama den e horario di 8.30’or di mainta te cu 12 or di merdia.
Geervliet a comenta cu den e dos añanan cu a pasa, den e periodo di Covid-19, a cuminza ripara cu e adultonan mayor cu ta keda cas Centro Kibrahacha y Gobierno, a bin cu e servicio aki pa e grandinan por a yama y a ripara e necesidad cu tin pa nan haya contacto cu un profesional of un persona cu a haya training pa contesta telefon y por a yuda hendenan mas leu.
Cu telefon 125, e adulto mayor cu yama ta haya un contacto, habri caminda pa ricibi e ayudo cu e mester di dje. E tarea di señora Geervliet, den e proyecto aki, ta entre otro, entrena e boluntarionan cu ta un trayecto di cinco encuentro. Ki ora e persona mester yama? Sea ora e ta sinti hopi feliz pasobra algo bon a pas’e, of ora ta sinti tristeza pasobra el a perde su mascota, of otro perdidanan, etc.
