ORANJESTAD (AAN): Aruba a invadi e evento di Los Angeles Fashion Week na Merca, cu tabtaa na Union Station na Los Angeles, California.
E diseñador Arubiano, Jairo Erasmus a presenta un coleccion di gala titula 'Alegria' cu por a haya hopi aplauso di esnan presente. Erasmus tin hopi aña biba na Puerto Rico.
Modelonan di Aruba manera Alexia Chin, Charlena Clarinda, Ashantee Martus y Tanique Chan a mustra nan beyeza riba pasarela. Nan no ta desconoci den mundo di beyeza y pasarelanan local. Nan a worde acompaña pa nan mayornan y algun famia. Mama di Jairo, señora Ika Erasmus y ruman di Jairo, Adelita Erasmus tambe a bay apoya nos talentonan local.
E anochi tabata uno yen di alegria na momento cu a anuncia cu e presentacion di coleccion di Jairo Erasmus y su logo a sali asina grandi den background, eynan ta caminda hopi bandera di Aruba a bay halto den publico. Na final di e desfile a bin e parti mas emocional caminda Jairo Erasmus a cera e desfile man teni cu e modelo Tanique Chan.
