Lord Lally a bira Soca King 2026

ORANJESTAD (AAN): Ora cu Lord Lally y Hot Ones Band a cuminza sona, ta henter Aruba Carnival & Entertainment Village a cuminza sacudi cu baile y jump.

  Tur hende a bay pa mira The Lizard Kacking cu a sa di acapara atencion di tur hende.  Musica simpel, cu e unico meta pa laga hende balia y goza riba caminda, y participa den Carnaval.

   Diadomingo marduga pa 5:06 am, a anuncia e ganador kende a bira Soilo Sanchez, conoci como ‘Lord Lally’ cu su cancion The Lizard Kacking.  Publico a grita y bula di alegria cu e anuncio aki.

   Na di dos lugar a finaliza Ashrock Gario ‘Diamond Chip’ cu e cancion Born in Soca toca cu Groove Masters.  Na di tres lugar tin Richard Quant ‘Mighty Tattoo’ cu cancion Right or Wrong cu Zeta Band.  Na di cuatro lugar tin Carl Roosberg ‘Galloway’ cu cancion Turnaround cu Tsunami.  Na di cinco lugar a keda Mitch Almary cu cancion Kurukuchu cu Tsunami.

   Na di seis lugar tin Derwin Kemp ‘Master Gusto’ cu cancion D’Main Event, canta cu Buleria.  Na di siete lugar Jetzenia Martines ‘Queen Shine’ cu cancion Far Away cu Buleria.  Na di ocho lugar tin Mervin Baptiste ‘Blacky’ cu cancion Energy toca cu Groove Masters.  Na di nuebe lugar tin Nigel Hoek ‘Suhcy’ cu cancion Let D Bassman Cook’ toca cu ‘N Fuzion.  Na di diez lugar tin Travis Tucker ‘Tip Toe’ cu cancion Ride it Up toca cu Groove Masters.

   Premio di Rookie a bay pa Rusty Jr.  Premio di Best Dressed a bay pa Queen Sashah.