Loke tin awo ta un ley cu ta regula bicicleta tipo electrico y esaki a base di peso

Francis Quandt Hefe Departamento Keur:

ORANJESTAD (AAN) — Den entrevista cu Francis Quandt, Hefe di Departamento di Keur di Departamento di Inspeccion Tecnico (DTI), el a splica tocante e ley cu ta regula e tipo di bicicleta electrico.

            Esaki ta bay a base di e peso. Si e peso ta halto (600 y mas) y tin caroceria, e ta wordo considera como un vehiculo di motor, manera un auto.

            Si e peso ta abao di 600 lo tin cu wak den e otro aspectonan cu tin den e Landsverordening. El a splica cu den e Landsbesluit no ta stipula nada tocante kilometer, pero den esun di Belasting si ta tene cuenta cu ne.

            Quandt a indica cu te ainda DTI no a haya ningun vehiculo di motor nobo. Encuanto autonan electrico nan ta keur nan depende di e tipo di vehiculo, pero te aki tres aña por ta nan ta haya un landsbesluit pa nan. Pa awo nan ta uza esun regular, y te ainda no a haya ningun auto electrico na keur.

            Francis Quandt ta aconseha e companianan cu ta bestel vehiculonan nobo, di e tiponan ya menciona, preferiblemente pa pasa DTI pa duna un advies riba dje, pa despues no resulta cu nan no ta apto pa core riba caminda. DTI ta trahando estrechamente cu KPA den DTP (Departamento di Transporte Publico).