ORANJESTAD (AAN) Esaki ta e parti di e relato di Partido RAIZ, cu ta referi na e logronan cu a realiza como partner di e ultimo gobierno di coalicion di Partido MEP.
- Cera dump di Parkietenbos despues cu pa mas di 70 aña a impacta e salud di e bario y su hendenan.
- Lansa campaña nacional di ‘Limpi Limpi’ cu e programa ‘Baki den Bario’ cu a wordo organiza 23 biaha den 2023 y 2024. Esaki a wordo amplifica cu e Dia Nacional di Limpieza ‘Mi Bario Limpi’ cu mas di 1.000 boluntario.
- A introduci plan pa inclui mercado local organiza den e proyecto di Revitalizacion di San Nicolas pa benta y promocion di producto local.
- A introduci proyecto di ‘Hardin di Alimentacion’ na 13 scol y diferente Centro di Bario cu awe ta disfruta di nan cosecha local. Esaki tambe a contribui na e produccion local cu a subi cu 400%.
- Prome biaha cu Aruba a conoce un Ministerio di Asuntonan di Adulto Mayor, unda cu e instala un Commisie Ouderenzorg y un proyecto di Pasadia, cu awo tin 4 habri na Aruba.
- Despues di añanan di mal maneho a introduci oportunidad igual pa otorgamento di vergunning pa transporte publico.
- Cu un clima financiero hopi fragil a logra rescata Serlimar for di bancarota.
- Introduccion di publico.aw pa garantisa acceso y transparencia activo na trabou di gobernacion pa comunidad di Aruba.
- A propone Ley di Corporate Governance y tambe un Corporate Governance Code.
- Prome biaha cu Aruba a conoce un Ministerio di Naturaleza unda cu a introduci e concepto di ley di Derecho di Naturaleza y a introduci National Biodiversity Strategic Action Plan (NBSAP).
- A desaroya y introduci pa prome biaha un ontheffingsbeleid y a establece National Climate Resilience Council (NCRC).
- A haci inversionnan grandi pa construccion di un centro nobo pa bienestar di animal na Kibaima cu pronto lo habri su portanan.