ORANJESTAD(AAN): Sosten financiero pa cultura y naturalesa ta hopi necesario y
pa decadanan caba e asina yama Cultuurfonds na Hulanda y Cultuurfonds Caribisch Gebied (area di Caribe) ta yuda cu esaki.
Uso di varios boluntario ta mes importante.
Nan ta activo den museonan, na teatronan y cerac organizacionnan musical.
Nan ta haci diferente trabao cu ta inclui skirbi buki, haci investigacionnan y ta traspasa conocimento historico importante.
Hopi biaha nan ta invisible tras di cortina, pero nan ta yuda logra resulotadonan importante.
Pa e personanan special aki tin e asina yama Cultuurfonds Onderscheiding (Condecoracion di Fondo di Cultura), cu ta duna honor y un danki di parti di Cultuurfonds Nederland pa nan esfuersonan hopi importante y esencial pa cultura y naturalesa y tambe pa arte.
E Cultuurfonds Onderscheiding, cu antes tabata yama ‘Zilveren Anjer’, desde 1950 caba ta wordo duna tur aña na 3 pa 5 boluntario di Hulanda of di e islanan di Reino den Caribe.
Candidatonan por wordo presenta of sugeri y nan mester ta personanan cu 10 aña largo of mas a traha como boluntario pa cultura y/of naturalesa.
Pa presenta un hende como candidato pa ricibi e Culturrfonds Onderscheiding, por haci esaki viua un formulario online.
Riba e website di Cultuurfonds Nederland cu ta https://www.cultuurfonds.nl/cultuurfonds-onderscheiding/voordrachtsformulier. Pa e condecoracionnan na Juni di 2026, por presenta candidatonan for di aworaki te cu 1 di September di 2025.For di 15 di Juni caba por a cuminsa cu esaki.
