ORANJESTAD (AAN): Tin un comision den Cuerpo Policial cu ta trahando riba e tema di e autonan cu ta para na warda di polis. Asina Minister di Husticia, Rocco Tjon a indica.
Akinan por tuma e decision di destrui nan y aworaki a cambia e maneho den e sentido cu e entradanan aki ta bin pa Pais Aruba, pasobra antes, hende priva tabata haya e entradanan aki.
Pero banda di esaki tin un otro decision cu por tuma cu ta haci un destaho publico caminda cu ta bende e autonan despues cu a encamina e procedura.
Tin un experto den e comision cu a balora tur e autonan aki y lo cumbini pais Aruba pa bay destaho y esey ta preparando aworaki. Tur e autonan cu tin para na e wardanan ainda, lo bay wordo hinca den e proceso ey, Minister Rocco Tjon a duna di conoce.
