Lezing di Stichting Hunto pa e boluntarionan di  Fundacion Centro Famia Piedra Plat

E importancia di salud mental

ORANJESTAD (AAN): Diasabra 2 di December 2023, FCFPP tawatin un lezing pa tur su trahadornan, boluntarionan y miembronan di bestuur riba e importancia di salud mental.

            Stichting Hunto a duna informacion tocante nan organisacion y con un persona por acudi serca nan y tambe informacion valioso tocante e importancia di cuida bo propio salud mental.

            Hopi biaha como persona cu ta traha cu mucha, hoben of adulto mayor nos ta enfoca riba e bienestar di e personanan y ta lubida riba e salud mental di nos mes como trahador boluntario. Stichting Hunto a duna tips di diferente manera cu ta yuda cu e bienestar di bo salud mental.

            Despues di e lezing miembronan di bestuur di Fundacion Centro Famia Piedra Plat a duna un palabra di gradecimento na tur e boluntarionan cu ta traha cu FCFPP. Oansa (15) CEC (11) CDM (5) 60+ (5) Miembronan di bestuur mes ta consisti di 5 persona.

            Danki na CEDE Aruba / 'BARIONAN UNICO’' cu ta support nanFundacion cu diferente proyecto den bario di Piedra Plat y vecindario. Danki tambe na tur  boluntario cu ta hasi posibel cu FCFPP por tawatin un aña hopi activo y fructifero. Despues di e lezing tur hende presente por a disfruta di un dushi plato navideño.